හිටපු ජනපති ආර්ග පේ‍්‍රමදාස මහතාගේ බිරිඳ වන හේමා පේ‍්‍රමදාස මහත්මිය ක්‍රියාකාරී දේශපාලනයට පිවිසීමට සූදානම් වන බවට පැතිර යන ආරංචි හමුවේ එක්සත් ජාතික පක්ෂයේ අර්බුදය තව දුරටත් නරක අතට පෙරළෙමින් පවතින බවට එම පක්ෂයේ ආරංචි මාර්ග පවසයි.
මෙවැනි සිදුවීම් හේතුවෙන් එජාපයේ අභ්‍යන්තර ආරවුල හා මතභේද තව දුරටත් උත්සන්න වන අතර පක්ෂය දෙකඩ වී වෙනම දේශපාලන පක්ෂයක් වශයෙන් කොටසක් බිඳී යෑමටත් ඉඩ ඇති බව එම ආරංචි මාර්ග පවසයි.
හේමා පේ‍්‍රමදාස මහත්මිය කෙරෙහි අද සජිත් පේ‍්‍රමදාස මහතාට ආධාර කරන පුද්ගලයන් තුළ පවා ප්‍රසාදයක් නැති බවත් දකුණු පළාතේ පැවැති දේශපාලන රැස්වීම් කිහිපයකට හේමා පේ‍්‍රමදාස මහත්මිය සහභාගි වී ඇති අතර මෙය ඇය ක්‍රියාකාරී දේශපාලනයට පැමිණීමේ පෙරහුරුවක් බවට පත් කර ගෙන ඇති බවත් දැනගන්නට ඇත.
කෙසේ වෙතත් හේමා පේ‍්‍රමදාස මහත්මිය දේශපාලන ක්ෂේත්‍රයට පිවිසීම මඟින් සිදුවන්නේ එජාපයේ අර්බුදය තවදුරටත් උග්‍ර වීම මිස එහි විසඳුමක් අපේක්ෂා කළ නොහැකි තත්ත්වයක් උද්ගත වීම බව එජාප බහුතරයකගේ අදහස වී ඇතැයිද සඳහන්ය.
Post a Comment
Your comment will be visible after approval